پاکستان کو آئی ایم ایف سے ایک ارب 20کروڑ ڈالر ملنے کی راہ ہموار

پاکستان کو آئی ایم ایف سے ایک ارب 20کروڑ ڈالر ملنے کی راہ ہموار ہو گئی ہے۔

تفصیلات کے مطابق آئی ایم ایف ایگزیکٹو بورڈ کا اجلاس آج ہوگا، جس میں پاکستان کو آئی ایم ایف قرض پروگرام کے تحت ایک ارب ڈالر ملیں گے۔ جبکہ کلائمیٹ فنانسنگ کی مد میں پاکستان کو 20 کروڑ ڈالر جاری کیے جائیں گے۔

یا رہے کہ پاکستان اور آئی ایم ایف کے درمیان 14 اکتوبر کو اسٹاف لیول معاہدہ ہوا تھا، پاکستان 102 ارب ڈالر قرض کی قسط کے لیے تمام شرائط پوری کر چکا ہے۔

واضح رہے کہ آئی ایم ایف کی شرط تھی کہ بورڈ اجلاس سے پہلے کرپشن اینڈ گورننس ڈایئگناسٹک رپورٹ جاری کی جائے۔ پاکستان نے کرپشن اینڈ گورننس ڈایئگناسٹک رپورٹ جاری کر دی ہے۔