نیپرا نے ملک بھر کے بجلی صارفین کو خوشخبری سنا دی

نیپرا نے ملک بھر کے بجلی صارفین کو خوشخبری سنا دی ہے۔

تفصیلات کے مطابق نیپرا نے ایک ماہ کے لیے بجلی 88 پیسے فی یونٹ سستی کرنے کا نوٹیفکیشن جاری کردیا ہے۔

 نوٹیفکیشن کے مطابق بجلی کی قیمت میں کمی کا اطلاق کے الیکٹرک سمیت تمام ڈسکوز کے صارفین پر ہوگا۔

لائف لائن صارفین اور الیکٹرک وہیکلز چارجنگ اسٹیشنز اس ریلیف سے مستفید نہیں ہوں گے۔ صارفین کو یہ رعایت دسمبر کے بجلی بلوں میں فراہم کی جائے گی۔

اس فیصلے سے دسمبر میں عام صارفین کو خاطر خواہ ریلیف ملنے کی توقع ہے۔