20 لاکھ روپے تک کے بلا سود قرضے!!! حکومت نے بڑی خوشخبری سنا دی؛ قرض حاصل کرنے کا طریقہ جانیے

آزاد حکومت ریاست جموں و کشمیر نے نوجوانوں کے لیے بلاسود قرضہ اسکیم کا اعلان کر دیا ہے۔

اس اسکیم کے تحت 18 سے 40 سال کے مرد، خواتین اور خواجہ سرا نوجوان 1 لاکھ سے 20 لاکھ روپے تک کے قرضے حاصل کر سکیں گے۔ یہ سہولت خاص طور پر وہ نوجوان حاصل کر سکیں گے جو کاروبار شروع کرنے میں دلچسپی رکھتے ہوں اور ریاست جموں و کشمیر کے رہائشی ہوں۔

وزیراعظم آزاد کشمیر فیصل ممتاز راٹھور کی منظوری کے بعد محکمہ سمال انڈسٹریز کارپوریشن نے باضابطہ اشتہار جاری کیا ہے۔ اشتہار کے مطابق قرضہ فارم محکمہ کی آفیشل ویب سائٹ سے ڈاؤن لوڈ کیے جا سکتے ہیں اور انہیں 20 جنوری تک جمع کروایا جا سکتا ہے۔

محکمہ کا کہنا ہے کہ ہنر مند اور اعلیٰ تعلیم یافتہ نوجوانوں کو قرضے میں ترجیح دی جائے گی۔ قرضے آبادی کے تناسب سے تقسیم کیے جائیں گے اور ان پر کوئی سود نہیں لیا جائے گا۔ سود کی ادائیگی آزاد کشمیر حکومت کرے گی۔

اس اسکیم کے تحت قرضے بینک آف آزاد جموں و کشمیر کے تعاون سے جاری کیے جائیں گے۔ حکومت کا مقصد نوجوانوں کو کاروباری مواقع فراہم کرنا اور انہیں معاشی طور پر خود کفیل بنانا ہے۔