سونے کی قیمت میں بڑا اضافہ ؛ فی تولہ کتنے کا ہو گیا؟

ملک میں آج سونے کی فی تولہ قیمت میں 1300 روپے اضافہ ریکارڈ کیا گیا ہے۔

ملک بھر میں سونے کی قیمت میں اتار چڑھاؤ کا سلسلہ جاری ہے، کاروباری ہفتے کے آخری روز سونے کی قیمت میں اضافہ ریکارڈ کیا گیا ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 1300 روپے اضافے کے بعد 4 لاکھ 56 ہزار 162 روپے ہوگئی ہے۔

10 گرام سونے کی قیمت 1115 روپے اضافے کے بعد 3 لاکھ 91 ہزار 85 روپے ہو گئی۔

فی تولہ چاندی 139 روپے اضافے سے6987روپے پر پہنچ گئی جبکہ 10 گرام چاندی کی قیمت 119 روپے اضافے سے5990روپے ہوگئی۔

دوسری جانب عالمی مارکیٹ میں 13 ڈالر اضافے سے فی اونس سونا 4338 ڈالر پرپہنچ گیا۔