ہونڈا موٹر سائیکل خریدنے والے صارفین کیلئے آسان اقساط کی اسکیم متعارف

مہنگائی کے دور میں موٹر سائیکل خریدنے کے خواہشمند صارفین کے لیے اچھی خبر سامنے آئی ہے۔ ہونڈا کمپنی نے بینک الفلاح کے تعاون سے بغیر سود آسان اقساط کی نئی اسکیم متعارف کرا دی ہے۔

اس اسکیم کے تحت صارفین بینک الفلاح کے کریڈٹ کارڈ کے ذریعے ہونڈا کی منتخب موٹر سائیکلز اقساط پر خرید سکتے ہیں۔ کمپنی کا کہنا ہے کہ اس سہولت کا مقصد عام صارفین پر مالی دباؤ کم کرنا ہے۔

یہ اسکیم ایسے وقت میں متعارف کرائی گئی ہے جب موٹر سائیکلوں کی قیمتوں میں اضافے کے باعث یکمشت خریداری بہت سے افراد کے لیے مشکل ہو چکی ہے۔ بغیر سود اقساط سے نہ صرف صارفین کو سہولت ملے گی بلکہ مقامی آٹو مارکیٹ میں سرگرمی بڑھنے کی بھی توقع ہے۔

اس اقساطی اسکیم میں ہونڈا کے تین مقبول ماڈلز شامل کیے گئے ہیں۔ ان میں ہونڈا سی ڈی 70، ہونڈا سی جی 125 اور ہونڈا سی جی 150 شامل ہیں۔ بینک حکام کے مطابق ان موٹر سائیکلز پر کوئی سود لاگو نہیں ہوگا، تاہم صارفین کو پروسیسنگ فیس اور فیڈرل ایکسائز ڈیوٹی ادا کرنا ہوگی۔

ہونڈا سی ڈی 70 کی موجودہ قیمت 159,900 روپے مقرر کی گئی ہے، جسے اب تقریباً 26,650 روپے ماہانہ اقساط پر حاصل کیا جا سکتا ہے۔ اسی طرح سی جی 125 اور سی جی 150 بھی اس سہولت کے تحت دستیاب ہیں، جس سے صارفین کو بڑی رقم ایک ساتھ ادا کرنے کی ضرورت نہیں رہے گی۔

بینک الفلاح کا کہنا ہے کہ یہ اسکیم محدود مدت کے لیے متعارف کرائی گئی ہے اور موٹر سائیکل کی دستیابی اسٹاک سے مشروط ہوگی۔ مزید معلومات، اہلیت اور شرائط جاننے کے لیے صارفین بینک الفلاح کی ہیلپ لائن یا آفیشل چینلز سے رابطہ کر سکتے ہیں۔