سونا اور چاندی کو ریورس گیئر لگ گیا؛ قیمت میں تاریخ کی سب سے بڑی کمی ہوگئی

ملک میں آج سونے کی فی تولہ قیمت میں 10700 روپے کمی ریکارڈ کی گئی ہے۔

ملک بھر میں سونے کی قیمت میں اتار چڑھاؤ کا سلسلہ جاری ہے، کاروباری ہفتے کے دوسرے روز سونے کی قیمت میں زبردست کمی ریکارڈ کی گئی ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 10700 روپے کمی کے بعد 4 لاکھ 59 ہزار 462 روپے ہوگئی ہے جبکہ 10 گرام سونے کی قیمت 9 ہزار 114 روپے کمی کے بعد 3 لاکھ 93 ہزار 914 روپے ہوگئی ہے۔

جبکہ چاندی کی فی تولہ قیمت 145 روپے کم ہوکر 7930 روپے پر آ گئی۔

دوسری جانب عالمی منڈی میں107 ڈالر سستا ہوکر فی اونس سونا 4371 ڈالر پر آ گیا ہے۔