گھی اور کوکنگ آئل کی قیمت سے متعلق تشویشناک خبر سامنے آگئی

ملک کے کم آمدنی والے شہری حکومت سے فوری ریلیف کے منتظر ہیں۔

یوٹیلیٹی اسٹورز کی بندش کے بعد عام لوگوں کے حالات مزید بگڑ گئے ہیں۔ اب وہ سستی اشیاء بھی آسانی سے حاصل نہیں کر پا رہے۔

اوپن مارکیٹ میں ضروری اشیاء کی قیمتیں روز بروز بڑھ رہی ہیں۔ آئل اور گھی کی قیمتیں اب 590 سے 600 روپے فی کلو تک پہنچ گئی ہیں۔ عام شہری اب اسے خریدنے میں مشکلات کا سامنا کر رہے ہیں۔

پرائیویٹ کمپنیوں کے معیاری آٹے کی قیمت بھی بڑھ گئی ہے۔ ایک کلو آٹا اب 160 روپے تک فروخت ہو رہا ہے۔ چائے کی پتی کے 800 گرام کے پیک کی قیمت 1760 سے بڑھ کر 1900 روپے تک جا پہنچی ہے۔ چاول بھی سستے نہیں ہیں۔

مہنگائی کی اس صورتحال نے کم آمدنی والے طبقے کے روزمرہ کے اخراجات میں مزید اضافہ کر دیا ہے۔ شہریوں کا کہنا ہے کہ حکومت فوری اقدامات کرے تاکہ سستی بنیادی اشیاء کی دستیابی دوبارہ ممکن ہو۔