سونے کی قیمت میں 1200 روپے کی کمی، چاندی مستحکم

آل صرافہ ایسوسی ایشن کے مطابق عالمی اور مقامی گولڈ مارکیٹس میں سونا اور چاندی کی قیمتوں میں کمی دیکھی جارہی ہے۔ دو روزہ اضافے کے بعد آج سونے کی قیمت میں 1200 روپے کی کمی ہوئی۔

مقامی مارکیٹ میں 24 کیرٹ فی تولہ سونا 466,762 روپے پر آگیا۔ اسی طرح دس گرام سونے کے بھاؤ میں 1,028 روپے کی کمی ہوئی اور یہ 400,173 روپے ہوگئے۔

چاندی کی فی تولہ قیمت میں کوئی تبدیلی نہیں آئی اور یہ 8,361 روپے پر برقرار رہی۔

دوسری جانب عالمی منڈی میں سونے کی قیمت میں بھی کمی دیکھی گئی، جس کے باعث فی اونس سونا 12 ڈالر سستا ہو کر 4,444 ڈالر پر آ گیا۔