پیٹرول کی قیمتوں میں اچانک بڑی کمی

عالمی منڈی میں خام تیل کی قیمتوں میں نمایاں کمی دیکھنے میں آئی ہے۔ یہ کمی امریکی صدر ڈونلڈ ٹرمپ کے وینزویلا کے تیل سے متعلق بیان کے بعد سامنے آئی۔

 غیر ملکی خبر رساں اداروں کے مطابق عالمی مارکیٹ میں خام تیل ایک فیصد سے زائد سستا ہو گیا۔ قیمت کم ہو کر تقریباً 60 ڈالر فی بیرل تک آ گئی ہے۔

رپورٹ کے مطابق امریکی صدر نے کہا ہے کہ وینزویلا مستقبل میں امریکا کو بڑی مقدار میں خام تیل فراہم کرے گا۔ ان کا کہنا تھا کہ روزانہ تین کروڑ سے پانچ کروڑ بیرل تک تیل کی فراہمی متوقع ہے۔ اس کے ساتھ امریکی آئل کمپنیاں وینزویلا کے تیل کے شعبے میں سرمایہ کاری بھی کریں گی۔

امریکی صدر کے بیان کے بعد عالمی منڈی میں فوری ردعمل دیکھنے میں آیا۔ تیل کی قیمت میں تقریباً 1.4 فیصد کمی ریکارڈ کی گئی۔ ماہرین کے مطابق اگر وینزویلا کا ذخیرہ شدہ تیل مارکیٹ میں آ گیا تو قیمتیں مزید نیچے جا سکتی ہیں۔ اندازے کے مطابق اس تیل کی مجموعی مالیت تین ارب ڈالر تک ہو سکتی ہے۔

یہ بھی بتایا جا رہا ہے کہ وینزویلا کے پاس دنیا کے سب سے بڑے تیل کے ذخائر موجود ہیں۔ تاہم بدانتظامی اور کرپشن کے باعث تیل کی پیداوار شدید متاثر ہوئی ہے۔ پچیس سال قبل یومیہ پیداوار 35 لاکھ بیرل تھی۔ اب یہ کم ہو کر صرف 10 لاکھ بیرل رہ گئی ہے۔ یہ عالمی پیداوار کا ایک فیصد سے بھی کم حصہ بنتا ہے۔

توانائی کے شعبے سے وابستہ اداروں کا کہنا ہے کہ وینزویلا کی تیل کی صنعت کو دوبارہ مستحکم کرنے کے لیے طویل وقت درکار ہوگا۔ ایک توانائی کنسلٹنسی کمپنی کے مطابق اس مقصد کے لیے کم از کم 15 سال اور تقریباً 185 ارب ڈالر کی سرمایہ کاری کی ضرورت ہے۔