سونا تاریخ کی بلند ترین سطح پر، فی تولہ قیمت 4 لاکھ 80 ہزار 962 روپے ہو گئی

کراچی: ملک میں سونے کی قیمت نے ایک نئی بلند ترین سطح کو چھو لیا ہے۔ عالمی اور مقامی مارکیٹ میں اضافے کے باعث سونے کی قیمتوں میں نمایاں اضافہ ریکارڈ کیا گیا ہے۔

صرافہ بازار ایسوسی ایشن کے مطابق سونے کی فی تولہ قیمت میں 7 ہزار 700 روپے کا اضافہ ہوا ہے، جس کے بعد فی تولہ سونا 4 لاکھ 80 ہزار 962 روپے میں فروخت ہو رہا ہے۔

اسی طرح 10 گرام سونے کی قیمت میں بھی 6 ہزار 602 روپے کا اضافہ ریکارڈ کیا گیا، جس کے بعد 10 گرام سونا 4 لاکھ 12 ہزار 347 روپے پر پہنچ گیا ہے۔

سونے کی قیمتوں میں اس غیر معمولی اضافے کے باعث زیورات کے خریداروں اور عام صارفین میں تشویش پائی جا رہی ہے۔

ماہرین کے مطابق عالمی مارکیٹ میں سونے کی قیمتوں میں اتار چڑھاؤ اور معاشی غیر یقینی صورتحال اس اضافے کی بڑی وجوہات ہیں۔