سونے کی قیمت تاریخ کی بلند ترین سطح پر پہنچ گئی؛ تمام ریکارڈ ٹوٹ گئے

ملک میں آج سونے کی فی تولہ قیمت میں 21 ہزار 200 روپے اضافہ ریکارڈ کیا گیا ہے۔

ملک بھر میں سونے کی قیمت میں اتار چڑھاؤ کا سلسلہ جاری ہے، کاروباری ہفتے کے چوتھے روز سونے کی قیمت میں اضافہ ریکارڈ کیا گیا ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 21 ہزار 200 روپے اضافے کے بعد 5 لاکھ 72 ہزار 862 روپے ہوگئی ہے۔

10 گرام سونے کی قیمت 18 ہزار175 روپے اضافے کے بعد 4 لاکھ 91 ہزار 136 روپے ہو گئی۔

دوسری جانب عالمی مارکیٹ میں فی اونس سونے کی قیمت 212 ڈالر اضافے کے بعد 5505 ڈالر ہو گئی۔