رمضان المبارک میں حکومت سے 10 ہزار روپے کیسے حاصل کریں؟ طریقہ کار سامنے آگیا

پنجاب حکومت نے رمضان المبارک میں مالی معاونت کے لیے ایک نیا پروگرام "مریم کو بتائیں ہیلپ لائن 1000” متعارف کروایا ہے۔ یہ پروگرام یکم رمضان المبارک سے فعال ہوگا اور ضرورت مند خاندان 24 گھنٹے کے اندر مالی مدد حاصل کر سکیں گے۔

وزیراعلیٰ پنجاب مریم نواز کے مطابق اس پروگرام کے تحت مالی مشکلات کا شکار افراد کو ایک وقت میں 10 ہزار روپے تک امداد دی جائے گی۔ درخواست گزار اپنے شناختی کارڈ نمبر کے ذریعے ویب پورٹل یا موبائل ایپ پر رجسٹر ہو کر آسانی سے مدد حاصل کر سکیں گے۔

حکومت نے پروگرام میں شفافیت کو یقینی بنانے کے لیے لائیو ٹریکنگ سسٹم متعارف کروایا ہے۔ ڈیجیٹل ریکارڈ کے ذریعے تمام درخواستیں مانیٹر کی جائیں گی تاکہ بروقت اور درست امداد فراہم کی جا سکے۔ رجسٹرڈ درخواست گزار کو 24 گھنٹوں کے اندر رقم ٹرانسفر کی جائے گی۔