سونے کی قیمت میں اچانک کمی ہوگئی

ملک میں سونے کی قیمت میں آج معمولی کمی ریکارڈ کی گئی ہے جس سے خریداروں کو کچھ ریلیف ملا ہے۔

سندھ صرافہ بازار جیولرز ایسوسی ایشن کے مطابق سونے کی فی تولہ قیمت میں 700 روپے کمی ہوئی ہے، جس کے بعد نئی قیمت 5 لاکھ 40 ہزار 562 روپے ہو گئی ہے۔

اسی طرح 10 گرام سونے کی قیمت میں بھی 600 روپے کی کمی ریکارڈ کی گئی ہے۔ کمی کے بعد 10 گرام سونے کی نئی قیمت 4 لاکھ 63 ہزار 444 روپے پر آ گئی ہے۔

مارکیٹ ذرائع کے مطابق عالمی سطح پر قیمتوں میں اتار چڑھاؤ کے اثرات مقامی مارکیٹ پر بھی پڑ رہے ہیں، جس کے باعث سونے کے نرخوں میں روزانہ کی بنیاد پر تبدیلی دیکھنے میں آ رہی ہے۔