پیٹرولیم مصنوعات کی قیمتوں میں تاریخی اضافے کے بعد عدالت سے بڑی خبر آگئی

پیٹرولیم مصنوعات کی قیمتوں میں حالیہ اضافے کو لاہور ہائیکورٹ میں چیلنج کر دیا گیا ہے۔

تفصیلات کے مطابق پیٹرولیم مصنوعات کی قیمتوں میں اضافے کیخلاف لاہور ہائیکورٹ میں درخواست جوڈیشل ایکٹیوزم پینل کے اظہر صدیق کی جانب سے  دائر کی گئی۔

درخواست میں مؤقف اختیار کیا گیا ہے کہ حکومت نے پیٹرول کی قیمت میں  55 روپے فی لیٹر اضافہ کر دیا، قیمتوں میں اضافہ غیر قانونی اور عوام دشمن اقدام ہے، ٹرانسپورٹ، بجلی، زراعت اور اشیائے خوردونوش بھی مہنگی ہوں گی۔

  درخواست گزار نے عدالت سے استدعا کی ہے کہ عدالت پیٹرولیم مصنوعات کی قیمتوں میں اضافے کا نوٹیفکیشن کالعدم قرار دے۔