مشرق وسطیٰ میں بحران؛ سونے اور چاندی کی قیمت میں زبردست کمی ہوگئی

مشرق وسطیٰ میں جاری بحران کے سبب عالمی مالی منڈی میں غیر یقینی صورتحال پیدا ہو گئی ہے۔ اس کے اثرات مقامی اور بین الاقوامی مارکیٹ پر واضح طور پر دکھائی دے رہے ہیں۔

رپورٹس کے مطابق عالمی مارکیٹ میں سونے اور چاندی کی قیمتیں کم ہو گئی ہیں۔ سونے کی قیمت میں 2.15 فیصد کمی کے بعد یہ 5,048 ڈالر فی اونس پر آ گئی ہے۔ چاندی کی قیمت میں 2.93 فیصد کمی کے بعد یہ 81 ڈالر 55 سینٹ فی اونس ہو گئی ہے۔ اس کمی کا سبب سرمایہ کاروں کا خطرہ کم سمجھنا اور غیر یقینی صورتحال میں کم خطرناک اثاثوں کی طرف جانا بتایا جا رہا ہے۔

دوسری جانب ڈالر کی قیمت مضبوط ہو گئی ہے۔ امریکی کرنسی یورو کے مقابلے میں تین ماہ کی بلند ترین سطح تک پہنچ گئی ہے۔ ماہرین کا کہنا ہے کہ اس کی وجہ مشرق وسطیٰ میں کشیدگی اور سرمایہ کاری کے لیے محفوظ کرنسی کی طلب میں اضافہ ہے۔

عالمی منڈی میں ایران پر حملے کے بعد خام تیل کی قیمتوں میں بھی تیزی سے اضافہ ہوا ہے۔ مارکیٹ میں خام تیل کی قیمت 110 ڈالر فی بیرل تک پہنچ گئی ہے۔ چند گھنٹوں کے دوران تیل کی قیمت میں 20 فیصد سے زائد اضافہ ریکارڈ کیا گیا۔