پیٹرولیم مصنوعات کی قیمتوں میں اضافہ؛ عدالت سے بڑی خبر آگئی

لاہور ہائیکورٹ نے پیٹرولیم مصنوعات کی قیمتوں میں اضافے پر حکومت کو نوٹس جاری کر دیا اور وضاحت طلب کر لی ہے۔

عدالت نے پیٹرول اور ڈیزل کی بڑھتی ہوئی قیمتوں کے خلاف دائر درخواست پر سماعت کی۔ درخواست گزار نے موقف اختیار کیا کہ پیٹرول کی قیمت میں 55 روپے تک اضافہ کیا گیا ہے اور حکومت سے سوال کیا کہ یہ قیمتیں کس میکنزم کے تحت مقرر کی جاتی ہیں۔

وفاقی حکومت کے وکیل نے عدالت کو بتایا کہ اوگرا کی سمری کی بنیاد پر نئی قیمتیں طے کی جاتی ہیں۔ درخواست گزار کے وکیل نے عدالت سے تحریری وضاحت کا مطالبہ کیا کہ حکومت کس طریقہ کار سے قیمتوں کا تعین کرتی ہے۔

واضح رہے کہ ایران جنگ کے بعد عالمی سطح پر خام تیل کی قیمتوں میں اضافہ ہوا، جس کے سبب حکومت نے پیٹرولیم مصنوعات کی قیمتوں میں اضافہ کیا تھا۔