رواں مالی سال کے 6 ماہ میں 470 ارب سے زائد پیٹرولیم لیوی وصول
04 فروری, 2024 12:02
وفاقی حکومت نے مالی سال 2023-24 کے پہلے چھ ماہ کے دوران 472.77 ارب روپے کی پیٹرولیم لیوی (پی ایل) وصول کی ہے جو رواں مالی سال کے لیے پیٹرولیم مصنوعات پر پی ایل کے کل بجٹ تخمینے کا 54 فیصد ہے۔
پیٹرولیم لیوی کی وصولی پچھلے مالی سال کے اسی عرصے کے دوران وصولی کے مقابلے میں 166 فیصد زیادہ ہے۔
رواں مالی سال 2023-24ء کے پہلے تین ماہ کے دوران پی ایل کی وصولی 222 ارب روپے رہی ہے۔
وفاقی حکومت نے مالی سال 2023-24 کے دوران پیٹرولیم لیوی کی مد میں 869 ارب روپے کی وصولی کا بجٹ رکھا تھا۔ تاہم پیٹرول اور ہائی اسپیڈ ڈیزل کی قیمت 50 روپے فی لیٹر سے بڑھا کر 60 روپے فی لیٹر کرنے کے بعد حکومت نے آئی ایم ایف کو مالی سال کے دوران اس مد میں 918 ارب روپے وصول کرنے کی یقین دہانی کرائی تھی۔
تاہم رواں مالی سال کے پہلے چھ ماہ کے دوران ملک میں پیٹرولیم مصنوعات کی فروخت میں سالانہ بنیادوں پر 15 فیصد کمی ریکارڈ کی گئی۔
یہ بھی پڑھیں:
پیٹرول کے بعد بجلی بھی مہنگی ، فی یونٹ 4 روپے 56 پیسے کا اضافہ
پیٹرول کی بڑھتی قیمتیں، الیکٹرک بائیکس کی فروخت میں نمایاں اضافہ
آئل کمپنیز ایڈوائزری کونسل (او سی اے سی) کے مطابق رواں مالی سال کے پہلے چھ ماہ (جولائی تا دسمبر) میں ملک میں 7.68 ملین ٹن پیٹرولیم مصنوعات کی فروخت ریکارڈ کی گئی جو گزشتہ مالی سال کے اسی عرصے کے مقابلے میں 15 فیصد کم ہے۔
گزشتہ مالی سال کے اسی عرصے میں ملک میں 9.03 ملین ٹن پیٹرولیم مصنوعات کی فروخت ریکارڈ کی گئی تھی۔
Catch all the بریکنگ نیوز News, معیشت News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
