پاکستان اسٹاک انڈیکس نے پہلی بار 86 ہزار کی بلند ترین سطح عبور کر لی
09 اکتوبر, 2024 10:39
پاکستان اسٹاک نے پہلی بار 86 ہزار 275 پوائنٹس کی بلند ترین سطح عبور کر لی
پاکستان اسٹاک ایکسچینج (پی ایس ایکس) 100 انڈیکس نے پہلی بار 86 ہزار 275 پوائنٹس کی بلند ترین سطح عبور کر لی۔
تفصیلات کے مطابق دوران کاروبار 100انڈیکس میں 611 پوائنٹس کا اضافہ ہوا اور کاروبار کے آغاز پر ہی انڈیکس 86 ہزار 275 پوائنٹس پر ٹریڈ کرتے دیکھا گیا۔
گزشتہ روز بھی پاکستان اسٹاک ایکسچینج میں تیزی کا رجحان رہا، کے ایس ای 100 انڈیکس 753.68 پوائنٹس کے اضافہ کے بعد 85663.97 پوائنٹس پر بند ہوا جو اسٹاک ایکسچینج کی تاریخ کی بلندترین سطح ہے۔
مزید پڑھیں:پاکستان اسٹاک ایکسچینج انڈیکس نے ایک اور سنگ میل عبور کر لیا
کاروباری سرگرمیوں کے دوران 506.56 ملین حصص کا لین دین ہوا جن کی مالیت 33.049 ارب روپے تھی،کے ایس ای 30 انڈیکس 243.69 پوائنٹس کے اضافہ کے بعد 27441.12 پوائنٹس اور اسلامی مالیات کا حامل کے ایم آئی 30 انڈیکس 421 پوائنٹس کی کمی کے بعد 130289.80 پوائنٹس پر بند ہوا۔
گزشتہ روز مجموعی طور پر 444 کمپنیوں کے حصص کا لین دین ہوا،193 کمپنیوں کے حصص کی قیمتوں میں اضافہ،192 کی قیمتوں میں کمی اور 61 کمپنیوں کے حصص کی قیمتوں میں کو ئی ردوبدل نہیں ہوا۔
واضح رہے کہ 100 انڈیکس اکتوبر کے چھ کاروباری دنوں میں 4600 پوائنٹس بڑھ چکا ہے۔
Catch all the معیشت News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
