سونے کی قیمتوں میں ایک دم بڑا اضافہ
22 جنوری, 2025 15:18
سونے کے فی تولہ بھاؤ میں یکمُشت بڑا اضافہ
ملک میں فی تولہ سونے کی قیمت میں آج 4ہزار سے زائد کا اضافہ ریکارڈ ہوا ہے جس کے بعد فی تولہ 3لاکھ کے قریب پہنچ گیا۔
آل پاکستان جیمز اینڈ جیولرز ایسوسی ایشن کے مطابق 24 قیراط کے حامل ایک تولہ سونے کے بھاؤ میں آج 4 ہزار 250 روپے کا اضافہ ہوا ہے جس کے بعد فی تولہ سونا 2 لاکھ 87 ہزار 450 روپے پر پہنچ گیا۔
علاوہ ازیں 10 گرام سونے کی قیمت میں 3 ہزار642 روپے بڑھ کر 2لاکھ 46 ہزار 440 روپے ہوگئی، گولڈ ڈیلر کا کہنا ہے کہ انٹرنیشنل گولڈ مارکیٹ میں تیزی کے باعث پاکستان میں قیمت بڑھی ہیں۔
مزید پڑھیں:فی تولہ سونے کے بھاؤ میں بڑا اضافہ
دوسری جانب عالمی منڈی میں فی اونس سونا 40 ڈالر مہنگا ہوکر 2ہزار 761 ڈالر مقرر کردی گئی، 30 اکتوبر 2024 کو فی تولہ سونے کی قیمت 2لاکھ 87ہزار 900 روپے کی بلند ترین سطح پر پہنچی تھی۔
واضح رہے کہ گزشتہ روز پاکستان میں فی تولہ سونے کی قیمت میں 300 روپے کی کمی ریکارڈ کی گئی تھی۔
Catch all the معیشت News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
