دنیا کے امیر ترین ممالک کی فہرست جاری، پاکستان کس نمبر پر؟

فوربز میگزین نے 2025 کے دنیا کے 10 امیر ترین ممالک کی فہرست جاری کر دی جس میں پاکستان سمیت بھارت شامل نہیں ہے۔

یو ایس نیوز کی طرف سے مرتب کی گئی اس فہرست کا تعین 5 اہم عوامل کی بنیاد پر کیا گیا ہے ، ان عوامل میں قیادت، معاشی اثر و رسوخ، سیاسی طاقت، مضبوط بین الاقوامی اتحاد اور فوجی طاقت شامل ہیں۔

فوربز میگزین کے مطابق امیر ترین ممالک کی فہرست میں پہلے نمبر پر امریکا ہے، دوسرے نمبر پر چین، تیسرے پر روس، چوتھے نمبر پر برطانیہ، پانچویں پر جرمنی، چھٹے نمبر پر جنوبی کوریا، ساتویں نمبر پر فرانس، آٹھویں نمبر پر جاپان، نویں نمبر پر سعودی عرب اور دسویں نمبر پر اسرائیل کو رکھا گیا ہے۔

مزید پڑھیں:500 با اثر مسلمانوں کی فہرست جاری، پاکستان سے کون کون شامل؟

2024ء میں پاکستان میں موجودہ قیمتوں میں مجموعی ملکی پیداوار (جی ڈی پی) میں 37.1 ارب امریکی ڈالر (+10.99 فیصد) کا اضافہ ہوا۔ مجموعی طور پر جی ڈی پی 2024 میں 374.6 بلین امریکی ڈالر تھی۔

مزید پڑھیں:دنیا کے طاقتور ترین پاسپورٹ کی فہرست جاری، پاکستان کا کونسا نمبر؟

حیرت کی بات یہ ہے کہ اس فہرست میں بھارت کو بھی شامل نہیں کیا گیا ہے، تاہم فوربز کی جانب سے جاری کردہ درجہ بندی میں دنیا کے امیر ممالک میں بھارت 12 ویں نمبر پر ہے جوکہ 5.5 ٹریلین ڈالر کی جی ڈی پی کے ساتھ سر فہرست 10 ممالک میں شامل نہیں ہے۔

قابل ذکر بات یہ ہے کہ دنیا کی سب سے بڑی آبادی رکھنے والا ملک، پانچویں سب سے بڑی معیشت اور چوتھی سب سے بڑی فوج اور اپنے اہم اثاثوں کے باوجود بھارت کو اس فہرست میں شامل نہیں کیا گیا ہے۔

درجہ بندی کا یہ طریقہ بی اے وی گروپ کے محققین نے تیار کیا ہے جس کی سربراہی یونیورسٹی آف پنسلوانیا کے وارٹن اسکول کے پروفیسر ڈیوڈ ریبسٹین کر رہے ہیں اور وہ یو ایس نیوز اینڈ ورلڈ رپورٹ سے وابستہ ہیں۔