پٹرولیم مصنوعات کی قیمتوں سے متعلق بڑی خوشخبری

امریکی خام تیل کے ذخائر میں اضافے کے باعث عالمی منڈی میں تیل کی قیمتیں گر گئیں۔

عالمی میڈیا کے مطابق خام تیل کی قیمتوں میں بدھ کو کمی دیکھی گئی، تاہم امریکہ جو دنیا کا سب سے بڑا تیل پیدا کرنے والا اور استعمال کرنے والا ملک ہے، میں خام تیل کے ذخائر 7 فروری کو ختم ہونے والے ہفتے میں 9.4 ملین بیرل بڑھ گئے۔

مزید پڑھیں:کراچی؛ پانی بجلی کیخلاف احتجاج، مظاہرین کا فیملی پر تشدد

رپورٹ کے مطابق برینٹ فیوچر 36 سینٹ یا 0.47 فیصد کی کمی سے 76.64 ڈالر فی بیرل جبکہ یو ایس ویسٹ ٹیکساس انٹرمیڈیٹ (ڈبلیو ٹی آئی) خام تیل 37 سینٹ یا 0.5 فیصد کی کمی سے 72.95 ڈالر فی بیرل پر آگیا ہے۔

مزید پڑھیں:ملک بھر کے بجلی صارفین کیلئے قیمت میں کمی کا امکان

اس کمی سے قیمتوں میں 3 روز سے جاری اضافے کا سلسلہ ختم ہو گیا اس دوران برینٹ کی قیمتوں میں 3.6 فیصد جب کہ ڈبلیو ٹی آئی میں 3.7 فیصد اضافہ ریکارڈ کیا گیا تھا۔

مشرق وسطیٰ میں کشیدگی کی وجہ سے منگل کو خام تیل کی قیمتوں میں ایک فیصد سے زیادہ اضافہ ہوا، اس کے ساتھ امریکی پابندیوں نے چین اور بھارت کو روسی تیل کی ترسیل میں خلل ڈالا اور ٹرمپ کی ایرانی تیل پر ”زیادہ سے زیادہ دباؤ“ کی مہم بھی شامل ہے۔

ایک انڈسٹری رپورٹ میں امریکی خام تیل کے ذخائر میں اضافے کا انکشاف ہوا، جبکہ ٹیرف سے متعلق خدشات نے مارکیٹ کے جذبات پر دباؤ ڈالا۔ اس سے مشرق وسطیٰ میں بڑھتی ہوئی کشیدگی اور سخت پابندیوں کے باعث ہونے والے تین روزہ اضافے میں کمی واقع ہوئی۔

ماہرین کے مطابق قیمتوں میں کمی کی ایک اور وجہ امریکی ٹیرف کے نفاذ یا انکی دھمکیوں سے عالمی اقتصادی ترقی اور توانائی کی طلب محدود ہوسکتی ہے۔