بجلی صارفین بڑے ریلیف سے محروم ہو گئے

اسلام آباد: نیپرا نے کراچی میں کے الیکٹرک صارفین کو ماہانہ ایڈجسٹمنٹ میں بڑے ریلیف سے محروم کر دیا۔

نیپرا نے کراچی کے صارفین کو ماہانہ ایڈجسٹمنٹ میں بڑے ریلیف سے محروم کر دیا، نومبرکی ایڈجسٹمنٹ میں5 روپے کمی بنتی تھی لیکن 1.23 روپے فی یونٹ کمی کی گئی، کے الیکٹرک صارفین کو مزید 5 ارب 44 کروڑ روپے کا فائدہ منتقل نہ ہوسکا۔

نیپرا نے بدھ کو بجلی کی فی یونٹ قیمت میں کمی کا اعلان کیا جس کے بعد دسمبرکی فیول پرائس ایڈجسٹمنٹ کے تحت فی یونٹ بجلی 1.22 روپے سستی ہوگی۔ اُدھر کے الیکٹرک کیلئے نومبرکی فیول پرائس ایڈجسٹمنٹ کے تحت فی یونٹ بجلی ایک روپے 23 پیسہ سستی کی گئی۔

مزید پڑھیں:ملک بھر کے بجلی صارفین کیلئے قیمت میں کمی کا امکان

مزید پڑھیں:بجلی صارفین کو رواں ماہ زیادہ بل ادا کرنا پڑے گا

ممبر ٹیرف نیپر امطہر نیاز رانا کا اختلافی فیصلہ بھی سامنے آگیا تاہم مطہرنیاز رانا کا کہنا تھا کہ میری رائےمیں کے ای صارفین کو نومبر کی ایڈجسٹمنٹ کا پورا فائدہ ملنا چاہیے۔

ممبر ٹیرف نیپرا نے کے الیکٹرک صارفین کوپورا ریلیف نہ دینے کی مخالفت کی۔ انہوں نے کہا کہ کے ای کی نومبر کی ایڈجسٹمنٹ میں 4 روپے 98 پیسے فی یونٹ کمی کی درخواست تھی، کےالیکٹرک کے لیے نومبر کی اصل ایڈجسٹمنٹ 5 روپے فی یونٹ کمی بنتی ہے۔

ممبر ٹیرف نیپرا نے کہا کہ نومبر کی 5 روپے کی ایڈجسٹمنٹ سے کے ای صارفین کے لیے 7 ارب 21 کروڑ 50 لاکھ روپے فائدہ بنتاہے، پینڈنگ کاسٹ میں 5 ارب 44 کروڑ روپے کو ایڈجسٹمنٹ کیا جا رہا ہے، کے ای صارفین کے لیے 5 ارب 44 کروڑ روپے کمی کا فائدہ نہیں روکنا چاہیے۔