ہفتہ، 29-نومبر،2025
ہفتہ 1447/06/08هـ (29-11-2025م)

انڈوں کی شدید قلت پیدا ہوگئی، قیمتوں میں حیران کُن اضافہ

13 فروری, 2025 11:03

امریکا میں پچھلے سال کے مقابلے میں رواں سال 2025 جنوری سے انڈوں کی قیمت میں 15 فیصد اضافہ ہو گیا ہے۔

کنزیومر پرائس انڈیکس کے اعداد و شمار کے مطابق صرف جنوری میں امریکہ بھر میں انڈوں کی قیمت میں ایک سال قبل کے مقابلے میں 15 فیصد سے زائد کا اضافہ ہوا ہے جو مجموعی امریکی افراط زر کی شرح 3 فیصد سے 5 گنا زیادہ ہے۔

مزید پڑھیں:کیا مرغیاں بھی حروف اور نمبروں کی شناخت کرسکتی ہیں؟

سی بی ایس نیوز کے روزمرہ کے سامان کی قیمتوں پر نظر رکھنے والے ادارے کے مطابق 2019 میں صارفین ایک درجن انڈے تقریبا 1.54 ڈالر میں خرید سکتے تھے لیکن گزشتہ سال تک اس کی قیمت بڑھ کر 4.15 ڈالر تک پہنچ گئی تھی جوکہ 170 فیصد اضافہ ہے۔

مزید پڑھیں:گھروں میں مرغیاں پالنے کیخلاف خاتون عدالت پہنچ گئی

دوسری جانب امریکی ریاست ہیوسٹن کی پولٹری سپلائی کرنے والی ایک کمپنی مرغیوں کی فروخت کی بھرمار لگا دی۔ غیر ملکی خبر رساں ادارے اے ایف پی کے مطابق امریکا میں انڈوں کی بڑھتی ہوئی قیمتیں کچھ امریکیوں کو گھر پر اپنی مرغیاں پیدا کرنے پر مجبور کر رہی ہیں۔

پولٹری کیلئے ہماری فروخت دوگنی ہو گئی ہے یا ممکنہ طور پر 3 گنا ہو گئی ہے، ہم ایک ہفتے میں 100 یا اس سے زیادہ مرغیاں فروخت کر رہے ہیں۔ انہوں نے کہا کہ انڈوں کی قلت کے وقت اتنے مرغیوں کو فروخت کرنے میں 2 یا 3 ہفتے لگیں گے۔

ہیوسٹن میں لائیو سٹاک کی ایک کمپنی چلانے والے جان بیری نے بتایا کہ مرغیوں کی طلب میں ڈرامائی اضافہ ہوا ہے کیونکہ صارفین انڈوں کی قلت سے نبرد آزما ہیں۔

خیال رہے کہ امریکہ میں 2024 کے اوائل سے برڈ فلو کی حالیہ وبا نے پولٹری فارموں کو بھاری نقصان پہنچایا ہے،جبکہ امریکی محکمہ زراعت کے مطابق دسمبر میں ایک کروڑ 32 لاکھ مرغیوں کو ہلاک کیے جانے کے بعد رواں سال اب تک 2 کروڑ 10 لاکھ سے زائد انڈے دینے والی مرغیوں کو ‘بے گھر’ کیا جا چکا ہے۔

Catch all the معیشت News, Breaking News Event and Trending News Updates on GTV News


Join Our Whatsapp Channel GTV Whatsapp Official Channel to get the Daily News Update & Follow us on Google News.

اوپر تک سکرول کریں۔