پیٹرول کی قیمت 1200 روپے فی لیٹر تک پہنچ گئی
14 فروری, 2025 09:37
پیٹرول کی قیمت 1200 روپے فی لیٹر تک پہنچ گئی
خیبرپختونخوا کے قبائلی ضلع کرم میں سڑکوں کی طویل بندش کی وجہ سے پیٹرول 1200 روپے فی لیٹر کے خطرناک نرخ پر فروخت ہو رہا ہے۔
نومبر 2024 کے بعد سے علاقے میں سکیورٹی صورتحال کی وجہ سے زمینی راستے بند ہو گئے جس کے نتیجے میں گاڑیوں کی نقل و حرکت محدود جب کہ خوراک اور پیٹرولیم مصنوعات سمیت ضروری اشیاء کی قلت پیدا ہوگئی۔
مقامی رہائشیوں کا کہنا ہے کہ پیٹرول پمپ مالکان پیٹرول کی من مانی قیمتیں وصول کر رہے ہیں اور ڈرائیور ایک وقت میں 5 سے 10 لیٹر سے زیادہ نہیں خرید سکتے۔
اپر کرم قباد شاہ خیل کے چیئرمین سید اخلاق حسین کے مطابق دو روز قبل پیٹرول کی قیمت ایک ہزار روپے فی لیٹر تھی لیکن گزشتہ رات تک قیمت بڑھ کر 1200 روپے فی لیٹر ہوگئی ہے۔
انہوں نے مزید کہا کہ پیٹرول کم مقدار میں دستیاب ہے جبکہ ڈیزل مارکیٹ میں مکمل طور پر دستیاب نہیں ہے۔
مقامی ڈیلر نواب علی نے وضاحت کی کہ نومبر سے آئل ٹینکرز سکیورٹی کی بگڑتی ہوئی صورتحال کی وجہ سے علاقے میں ایندھن کی فراہمی نہیں کر رہے ہیں۔
Catch all the معیشت News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
