صنعتی شعبے کی ترقی کیلئے ایس آئی ایف سی کی کاوشیں جاری

صنعتی شعبے کی ترقی کیلئے ایس آئی ایف سی کی کاوشیں جاری ہیں۔

پاکستان کے صنعتی شعبے کی ترقی اور خوشحالی کو ایس آئی ایف سی (SIFC) کی ترجیحات میں مرکزی حیثیت حاصل ہے۔ حکومتی سطح پر صنعتی شعبے میں سرمایہ کاری کو فروغ دینے کے لیے ایس آئی ایف سی کے تعاون سے کاوشیں تیز کر دی گئی ہیں۔ خصوصی اقتصادی زونز (SEZs) کے قیام کے ذریعے صنعتی شعبے میں سرمایہ کاری کے نئے مواقع پیدا کیے جا رہے ہیں، جس سے ملک میں صنعتی ترقی کے نئے دور کا آغاز ہو رہا ہے۔

پاکستان کا صنعتی شعبہ نوجوان، ہنر مند اور سستی لیبر فورس کی وجہ سے خطے میں مسابقتی حیثیت کا حامل ہے۔ خصوصی اقتصادی زونز کو صنعتی شعبے کی ترقی اور سرمایہ کاروں کی رغبت کے لیے جدید طرز پر تیار کیا گیا ہے۔ ان زونز کا بنیادی مقصد برآمدات کی صلاحیت میں اضافہ، تجارتی خسارے کو کم کرنا اور اقتصادی سیکیورٹی کو فروغ دینا ہے۔

پاکستان کے خصوصی اقتصادی زونز میں وافر خام مال اور جدید انفراسٹرکچر کی موجودگی صنعتی شعبے کی ترقی کے لیے اہم ہے۔ ان زونز کے قیام کا ایک اہم مقصد مغربی ممالک سمیت عالمی منڈی میں 3 ارب سے زائد صارفین تک براہ راست رسائی حاصل کرنا ہے۔ اس کے علاوہ، ان زونز کے ذریعے 2028ء تک پانچ لاکھ سے زائد نوجوانوں کو روزگار کے مواقع فراہم کرنے کا ہدف بھی رکھا گیا ہے۔

خصوصی اقتصادی زونز کے ذریعے عالمی برآمدات میں اضافے کے لیے مختلف تجارتی معاہدوں کے منفرد مواقع بھی دستیاب ہوں گے۔ ایس آئی ایف سی کی سہولت کاری سے صنعتی شعبے کی ترقی کے ذریعے ملکی معیشت کے استحکام کا سفر جاری ہے۔