قرض کی منظوری مل گئی، بٹ کوائن کی خرید و فروخت پر پابندی عائد

بین الاقوامی مالیاتی فنڈز (آئی ایم ایف) نے کرپٹو کرنسی بٹ کوائن کی خرید و فروخت محدود کرنے کی شرط پر ملک کے لیے قرض پروگرام کی منظوری دے دی۔

غیر  ملکی میڈیا رپورٹس کے مطابق آئی ایم ایف نے ایل سلواڈور کے لیے 1.4 ارب ڈالر کے فنڈز کی منظوری دے دی ہے جس میں بٹ کوائن سے متعلق پابندیاں بھی شامل ہیں۔

ایل سلواڈور کے لیے نئے قرض پروگرام کی مدت اس معاہدے کی مدت 40 ماہ ہے، جس کی فوری تقسیم تقریبا 113 ملین ڈالر کے مساوی ہے۔

آئی ایم ایف کے حالیہ پروگرام کا مقصد ایل سلواڈور کی ترقی کے امکانات اور لچک کو فروغ دینے کے لئے عوامی مالیات کو مضبوط بنانے، بیرونی اور مالیاتی بفرز کی تعمیر نو اور گورننس و شفافیت کو بہتر بنانا ہے۔

توقع ہے کہ اس معاہدے سے اضافی کثیر الجہتی مالی معاونت بھی حاصل ہوگی، جس سے پروگرام کی مدت کے دوران 3.5 بلین ڈالر سے زیادہ کے مشترکہ مجموعی فنانسنگ پیکیج کی حوصلہ افزائی ہوگی۔

آئی ایم ایف کے قائم مقام چیئرمین نائجل کلارک نے کہا کہ بٹ کوائن منصوبے کے ممکنہ خطرات کو فنڈ کی پالیسیوں اور حکام کو فنڈ کے مشورے کے مطابق حل کیا جا رہا ہے۔

نائجل کلارک کا کہنا تھا کہ عوامی کرپٹو ای والٹ کی شفافیت کو مضبوط کیا گیا ہے اور حکومت آہستہ آہستہ ای والٹ میں اپنی شرکت کو ختم کرنے کا ارادہ رکھتی ہے۔

انہوں نے مزید کہا کہ آگے بڑھتے پروگرام کے وعدوں سے بٹ کوائن سے متعلق معاشی سرگرمیوں کے ساتھ ساتھ بٹ کوائن میں حکومتی لین دین اور خریداری میں حکومت کی شمولیت محدود ہوجائے گی۔