بٹ کوائن مارکیٹ کریش کر گئی، قیمت میں بڑی کمی ریکارڈ

عالمی منڈیوں میں اتار چڑھاؤ کے درمیان کرپٹو کرنسی کی فروخت میں تیزی آنے سے بٹ کوائن تین ماہ سے زائد عرصے میں پہلی بار 80,000 ڈالر سے نیچے گر گیا۔

ابتدائی ایشیائی تجارت میں ڈیجیٹل یونٹ 79,525.88 ڈالر تک گر گیا جو 11 نومبر کے بعد سے اس کی کم ترین سطح ہے اور گزشتہ ماہ کرپٹو کرنسی 109،000 ڈالر کی بلندی پر جا پہنچا تھا۔

نومبر میں ڈونلڈ ٹرمپ کی انتخابی کامیابی کے بعد بٹ کوائن کی قیمت میں زبردست اضافہ دیکھنے میں آیا تھا جس کی وجہ امریکی صدر کا کرپٹو مارکیٹ کو فروخ دینے اور ڈیجیٹل ٹوکنز سے متعلق قواعد و ضوابط کو آزاد کرنے اور امریکا کو دنیا کا کرپٹو دارالحکومت بنانے کا وعدہ کرنا تھا۔

بٹ کوائن کے فوائد عالمی مارکیٹوں میں پیش رفت کے مطابق تھے لیکن حالیہ ہفتوں میں جوش و خروش میں کمی آئی کیونکہ امریکی صدر نے شراکت داروں کو محصولات کے ساتھ جوڑنے اور عالمی تجارتی جنگ شروع کرنے کی دھمکی دینے کی سخت پالیسی پر عمل کیا ہے۔

ٹیکسوں اور امیگریشن میں کمی کے ان کے وعدوں نے ان خدشات کو بھی ہوا دی کہ وہ افراط زر کو دوبارہ بڑھا سکتے ہیں جس سے فیڈرل ریزرو کو شرح سود کو توقع سے زیادہ عرصے تک برقرار رکھنے پر مجبور ہونا پڑا جبکہ حالیہ اعداد و شمار نے اشارہ کیا کہ امریکی معیشت سست روی کا شکار ہے۔

کوائن مارکیٹ کیپ کے مطابق سب سے بڑی کرپٹو کرنسی کا مارکیٹ کیپ 6 فیصد کمی کے بعد ایک کھرب 580 ارب ڈالر ہوگیا تاہم اس کے والیم میں اتار چڑھاؤ جاری ہے۔

اعداد و شمار سے پتہ چلتا ہے کہ بٹ کوائن کی قیمت میں گزشتہ ایک ہفتے کے دوران 18 فیصد کمی آئی جب کہ ایتھر، سولانا، ایکس آر پی (رپل)، بی این بی کی قیمتیں بھی اثر انداز ہوئی ہیں۔