ہفتہ، 29-نومبر،2025
ہفتہ 1447/06/08هـ (29-11-2025م)

بناسپتی گھی اور خوردنی تیل سے متعلق بڑی خبر آگئی

04 مارچ, 2025 10:20

بناسپتی گھی اور خوردنی تیل سے متعلق بڑی خبر آگئی ہے۔

ادارہ شماریات کی جانب سے جاری کردہ اعدادوشمار کے مطابق جاری مالی سال کے پہلے 6 ماہ میں ملک میں 730350 میٹرک ٹن بناسپتی گھی کی پیداوار ہوئی جو گزشتہ سال کی اسی مدت کے مقابلے میں 2.82 فیصد کم ہے، گزشتہ مالی سال کی اسی مدت میں ملک میں 751543 میٹرک ٹن بناسپتی گھی کی پیداوار حاصل ہوئی تھی۔

گزشتہ 6 ماہ میں ملک میں 313819 میٹرک ٹن خوردنی تیل کی پیداوار ریکارڈ کی گئی جو گزشتہ مالی سال کی اسی مدت کے مقابلے میں 0.49 فیصد کم ہے، گزشتہ مالی سال کی اسی مدت میں ملک میں 315364 میٹرک ٹن خوردنی تیل کی پیداوار ریکارڈ کی گئی تھی۔

اس کے علاوہ دسمبر میں ملک میں 50777 میٹرک ٹن خوردنی تیل کی پیداوار ریکارڈ کی گئی جو نومبر کے مقابلے میں 2.40 فیصد کم ہے، نومبر میں ملک میں 52026 میٹرک ٹن خوردنی تیل کی پیداوار ریکارڈ کی گئی تھی۔

Catch all the معیشت News, Breaking News Event and Trending News Updates on GTV News


Join Our Whatsapp Channel GTV Whatsapp Official Channel to get the Daily News Update & Follow us on Google News.

اوپر تک سکرول کریں۔