ملکی معیشت سے متعلق بڑی خبر آگئی
06 مارچ, 2025 10:45
ملکی معیشت سے متعلق بڑی خبر آگئی
ملکی معیشت سے متعلق بڑی خبر آگئی ہے۔
آڈٹنگ فرم پی ڈبلیو سی کی جانب سے جاری کردہ رپورٹ کے مطابق پاکستان کے ٹاپ سی ای اوز کاروبار اور معیشت کے حوالے سے پہلے سے کہیں زیادہ پرامید ہیں۔ رپورٹ میں بتایا گیا ہے کہ معیشت میں متوقع بہتری اور کاروباری سرگرمیوں میں اضافے نے سی ای اوز کے اعتماد کو بڑھا دیا ہے۔
سروے رپورٹ کے مطابق 83 فیصد سی ای اوز کا ماننا ہے کہ پاکستان کی معیشت میں بہتری آ رہی ہے، جبکہ 99 فیصد چیف ایگزیکٹوآفیسرز نے کاروباری ترقی اور گروتھ کے حوالے سے پرامیدی کا اظہار کیا ہے۔ یہ مثبت رجحانات ملک میں کاروباری ماحول کو بہتر بنانے کی طرف اشارہ کر رہے ہیں۔
رپورٹ میں بتایا گیا ہے کہ پاکستان میں 40 فیصد کمپنیوں نے جدت طرازی کے ذریعے اپنے کاروبارکو وسعت دی ہے۔ اس کے علاوہ 75 فیصد کاروباری اداروں نے مستقبل کی ضروریات کو مدنظر رکھتے ہوئے مصنوعی ذہانت میں سرمایہ کاری کی ہے۔ مزید برآں 80 فیصد کمپنیاں اپنے کاروبار کو پائیدار نانے کے لیے ترجیحی بنیادوں پر سرمایہ کاری کر رہی ہیں۔
پی ڈبلیو سی کی رپورٹ کے نتائج سے ظاہر ہوتا ہے کہ پاکستان کے کاروباری شعبے میں تبدیلی کے آثار نمایاں ہیں اور سی ای اوز کی پرامیدی ملک کی معاشی صورتحال کو بہتر بنانے میں اہم کردار ادا کر سکتی ہے۔
Catch all the معیشت News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
