ہفتہ، 29-نومبر،2025
ہفتہ 1447/06/08هـ (29-11-2025م)

پاکستان میں سونے کی قیمت ہزاروں روپے بڑھ گئی

07 مارچ, 2025 17:57

ملک میں فی تولہ سونے کی قیمتوں میں ہوشربا اضافہ ہوا ہے۔

آل پاکستان جیمز اینڈ جیولرز ایسوسی ایشن کے مطابق ملک میں 24 قیراط کا حامل ایک تولہ آج یکدم 3000 روپے مہنگا ہوا ہے جس کے بعد فی تولہ سونا 3 لاکھ 7 ہزار روپے پر پہنچ گیا۔

ایسوسی ایشن کے مطابق 10 گرام سونے کی قیمت 2571 روپے اضافے سے 2 لاکھ 63 ہزار 203 روپے ہوگئی۔

واضح رہے کہ گزشتہ روز پاکستان میں فی تولہ سونے کے نرخ میں 3000 روپے کی کمی ریکارڈ کی گئی تھی۔

دوسری جانب عالمی صرافہ بازار میں دن کے دوران 28 ڈالر کے اضافے سے سونے کا بھاؤ 2921 ڈالر فی اونس مقرر کیا گیا ہے۔

اس کے علاوہ ایسوسی ایشن نے بتایا کہ ملک میں فی تولہ چاندی 31 روپے مہنگا ہونے کے بعد 3400 روپے پر جا پہنچا ہے۔

Catch all the معیشت News, Breaking News Event and Trending News Updates on GTV News


Join Our Whatsapp Channel GTV Whatsapp Official Channel to get the Daily News Update & Follow us on Google News.

اوپر تک سکرول کریں۔