وفاقی حکومت نے پنشن سے متعلق نئے طریقہ کار کا اعلان کر دیا
07 مارچ, 2025 13:00
وفاقی حکومت نے پنشن سے متعلق نئے طریقہ کار کا اعلان کر دیا
وفاقی حکومت نے پنشن سے متعلق نئے طریقہ کار کا اعلان کر دیا ہے۔
وفاقی حکومت نے سرکاری ملازمین کے لیے پنشن کے تعین کے نئے طریقہ کار سے متعلق ایک اہم نوٹیفکیشن جاری کر دیا ہے۔
وزارت خزانہ کے مطابق یکم جنوری 2025 سے پنشن کا حساب اب ملازم کی آخری دو سال کی اوسط تنخواہ کی بنیاد پر لگایا جائے گا۔ اس کے ساتھ ہی دوہری یا ملٹی پل پنشن لینے پر بھی پابندی عائد کر دی گئی ہے۔
نوٹیفکیشن کے مطابق یکم جنوری 2025 سے پہلے دوہری پنشن وصول کرنے والے وفاقی ملازمین پر یہ پابندی لاگو نہیں ہوگی۔ تاہم، اگر کوئی سرکاری ملازم یکم جنوری 2025 کے بعد نئی ملازمت حاصل کرتا ہے، تو اسے تنخواہ یا پنشن میں سے کسی ایک کا انتخاب کرنا ہوگا۔
وزارت خزانہ کے مطابق ملازمت کے آخری سال میں ملنے والی اضافی انکریمنٹ کو پنشن کے حساب میں شامل نہیں کیا جائے گا۔ اس کے علاوہ خاندانی پنشن کا حساب اب نیٹ پنشن کی بنیاد پر لگایا جائے گا۔
یہ نئے قوانین یکم جنوری 2025 سے پہلے ریٹائر ہونے والے ملازمین پر لاگو نہیں ہوں گے۔ اسی طرح ایل پی آر، ان کیشمنٹ یا قبل از وقت ریٹائرمنٹ لینے والے ملازمین بھی ان قوانین سے مستثنیٰ ہوں گے۔
Catch all the معیشت News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
