ریگولر انکم سرٹیفکیٹس میں منافع کی شرح کم ہوکر کتنی ہوگئی؟ جانیے
08 مارچ, 2025 12:48
ریگولر انکم سرٹیفکیٹس میں منافع کی شرح کم ہوکر کتنی ہوگئی؟ جانیے
ریگولر انکم سرٹیفکیٹس میں منافع کی شرح کم ہوکر دی گئی ہے۔
سینٹرل ڈائریکٹوریٹ آف نیشنل سیونگز (قومی بچت) نے ریگولر انکم سرٹیفکیٹس (آر آئی سی) پر منافع کی شرح میں ایک بار پھر کمی کر دی ہے۔ حکومت نے عام شہریوں کی ماہانہ ضروریات کو پورا کرنے کے لیے 1993 میں ریگولر انکم سرٹیفکیٹس کا آغاز کیا تھا، جن کی مدت پانچ سال ہے۔
یہ سرٹیفکیٹس 50 ہزار روپے، ایک لاکھ روپے، پانچ لاکھ روپے، دس لاکھ روپے، پچاس لاکھ روپے اور ایک کروڑ روپے کی مالیت میں خریدے جا سکتے ہیں۔ قومی بچت بینک سرٹیفکیٹس کے اجراء کی تاریخ سے ماہانہ بنیادوں پر منافع فراہم کرتا ہے۔
قومی بچت نے گزشتہ تین ماہ کے دوران منافع کی شرح میں تیسری بار نظرثانی کی ہے۔ حکام کے مطابق اس تبدیلی کی بنیادی وجہ پاکستان میں مہنگائی کی شرح میں کمی ہے۔ نظرثانی شدہ نرخوں کے مطابق ریگولر انکم سرٹیفکیٹس پر منافع کی شرح 11.74 فیصد مقرر کی گئی ہے۔
اس تبدیلی کے بعد ہر ایک لاکھ روپے کی سرمایہ کاری پر سرمایہ کاروں کو ماہانہ منافع کی مد میں 979 روپے ملیں گے، جو کہ پچھلے 990 روپے سے کم ہے۔ واضح رہے کہ ریگولر انکم سرٹیفکیٹس میں کی گئی سرمایہ کاری زکوٰۃ کی کٹوتی سے مستثنیٰ ہے۔
Catch all the معیشت News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
