موڈیز نے پاکستانی بینکنگ آؤٹ لک کو مثبت قرار دے دیا

بینکاری کے محاذ پر ایک بڑی پیش رفت میں عالمی ریٹنگ ایجنسی موڈیز نے پاکستان کے بینکاری نقطہ نظر کو مستحکم سے مثبت قرار دے دیا۔

ایک بیان میں موڈیز نے کہا کہ ہم نے پاکستان کے بینکاری نظام کے بارے میں اپنا نقطہ نظر مستحکم سے مثبت میں تبدیل کر دیا ہے تاکہ بینکوں کی لچکدار مالی کارکردگی کی عکاسی کی جا سکے اور ساتھ ہی میکرو اکنامک حالات کو ایک سال پہلے کی انتہائی کمزور سطح سے بہتر بنایا جا سکے۔

رپورٹ میں کہا گیا ہے کہ پاکستان کے طویل مدتی قرضوں کی پائیداری ایک اہم خطرہ ہے، جس میں اس کی اب بھی بہت کمزور مالی پوزیشن، اعلی لیکویڈیٹی اور بیرونی خطرات شامل ہیں۔

کریڈٹ ریٹنگ ایجنسی کا کہنا ہے کہ اسے توقع ہے 2025 میں پاکستانی معیشت میں 3 فیصد اضافہ ہوگا، جو 2024 میں 2.5 فیصد اور 2023 میں منفی 0.2 فیصد تھی۔

موڈیز نے کہا کہ افراط زر میں بھی نمایاں کمی آ رہی ہے جس کا تخمینہ 2024 میں اوسطا 23 فیصد سے 2025 میں 8 فیصد لگایا گیا ہے۔

رپورٹ میں مزید کہا گیا کہ قرضوں کی لاگت اور افراط زر میں کمی کی وجہ سے قرضوں کی تشکیل کا مسئلہ سست ہو جائے گا، تاہم شرح سود میں کمی کی وجہ سے خالص سود کا مارجن بھی کم ہوگا۔

موڈیز نے کہا کہ ڈیویڈنڈ کی ادائیگی زیادہ ہونے کے باوجود بینک قرضوں کی کم شرح نمو اور ٹھوس نقد پیداوار کی مدد سے مناسب کیپٹل بفرز برقرار رکھیں گے۔

موڈیز نے اس بات پر روشنی ڈالی کہ پاکستانی بینکنگ سیکٹر جے بہتر آپریٹنگ ماحول کی وجہ سے آؤٹ لک کو مستحکم سے مثبت میں تبدیل کیا گیا، البتہ 2024 کے مقابلے میں حکومت کی لیکویڈیٹی اور بیرونی پوزیشن میں اضافے سے پاکستان کا معاشی منظر نامہ انتہائی کمزور سطح سے بہتر ہو رہا ہے۔

رپورٹ میں کہا گیا ہے کہ ستمبر 2024 میں منظور کی گئی آئی ایم ایف کی 37 ماہ کی 7 ارب ڈالر کی توسیعی فنڈ سہولت پاکستان کو اگلے چند سالوں کے لیے بیرونی فنانسنگ کا قابل اعتماد ذریعہ فراہم کرتی ہے۔

ریٹنگ ایجنسی کا مزید کہنا تھا کہ ہم نے 2025 میں جی ڈی پی کی شرح نمو 3 فیصد اور 2026 میں 4 فیصد رہنے کی پیش گوئی کی ہے، توقع ہے 2025 میں افراط زر کی شرح تیزی سے کم ہو کر 8 فیصد کے قریب پہنچ جائے گی۔