سونے کی قیمت میں بڑا اضافہ

پاکستان میں آج بھی کاروباری روز سونے کی قیمت میں بڑا اضافہ ریکارڈ کیاگیا۔

آل پاکستان جیمز اینڈ جیولرز ایسوسی ایشن کے مطابق فی تولہ سونا 2800 روپے مہنگا ہوکر 3 لاکھ 9 ہزار 300 روپے کا ہوگیا ہے۔

اسی طرح 10 گرام سونا 2400 روپے اضافے سے 2 لاکھ 65 ہزار 174 کی حد پر آگیا۔ عالمی مارکیٹ میں 27 ڈالر اضافے کےساتھ فی اونس سونا 2942 ڈالر کا ہوگیا۔

گزشتہ روز بھی سونے کی فی تولہ قیمت 500 روپے اضافے سے 3 لاکھ 6 ہزار 500 روپے پر پہنچ گئی تھی۔ اور 10 گرام سونا 429 روپے اضافے کے ساتھ 2 لاکھ 62 ہزار 774 روپے کا ہوگیا تھا۔