نیٹ میٹرنگ پالیسی میں تبدیلی؛ سولر پینلز کی نئی قیمت سامنے آگئی

نیٹ میٹرنگ پالیسی میں تبدیلی کے بعد سولر پینلز کی نئی قیمت سامنے آگئی ہے۔

حکومت کی نیٹ میٹرنگ پالیسی میں تبدیلی کے بعد ملک بھر میں سولر پینلز کی قیمتیں نمایاں طور پر کم ہو گئی ہیں، جس سے شمسی توانائی میں سرمایہ کاری کرنے والے صارفین کو بڑا فائدہ پہنچنے کی توقع ہے۔

 محکمہ توانائی کے مطابق سولر پینلز کی قیمتوں میں 35,000 روپے سے لے کر 175,000 روپے تک کمی واقع ہوئی ہے، جو کہ قابل تجدید توانائی کے شعبے میں ایک اہم پیشرفت ہے۔

نیٹ میٹرنگ پالیسی میں کی گئی ترامیم کے بعد مقامی سولر مارکیٹ میں نمایاں تبدیلیاں دیکھنے میں آئی ہیں۔ ماہرین کے مطابق سولر پینلز کی قیمتوں میں یہ کمی نہ صرف صارفین کے لیے فائدہ مند ہے، بلکہ اس سے شمسی توانائی کے استعمال کو فروغ دینے میں بھی مدد ملے گی۔

مارکیٹ کے تجزیے کے مطابق فی الحال 5 کلو واٹ کے سولر سسٹم کی قیمت تقریباً 5 لاکھ سے ساڑھے 5 لاکھ روپے، جبکہ 7 کلو واٹ کے سسٹم کی قیمت 6 لاکھ روپے کے قریب ہے۔

اسی طرح 10 کلو واٹ کے سولر سسٹم کی قیمت 8 لاکھ روپے سے زیادہ اور 12 سے 15 کلو واٹ کے سسٹم کی قیمت 12 لاکھ روپے سے زائد ہے۔