فی تولہ سونا اگلے پچھلے ریکارڈ توڑ کر تاریخ کی بلند ترین سطح پر پہنچ گیا

پاکستان میں سونے کی فی تولہ قیمت مزید اضافے کے بعد ملکی تاریخ کی نئی بلند ترین سطح پر جا پہنچا ہے۔

آل پاکستان جیمز اینڈ جیولرز ایسوسی ایشن کے مطابق 24 قیراط کا حامل ایک تولہ سونا 2550 روپے مہنگا ہوا ہے جس کے بعد فی تولہ سونے کا بھاؤ 3 لاکھ 17 ہزار 350 روپے ہوگیا۔

ایسوسی ایشن کے مطابق 24 قیراط کے حامل 10 گرام سونے کی قیمت 2186 روپے بڑھ کر 2 لاکھ 72 ہزار 76 روپے ہوگئی ہے۔

واضح رہے کہ گزشتہ روز ملک میں فی تولہ سونے کے نرخ 1100 روپے کے اضافے سے تاریخ کی بلندی پر پہنچ گئے تھے۔

یہ بھی پڑھیں: معاشی میدان سے پاکستان کے لیے خوشخبری

دوسری جانب بین الاقوامی صرافہ بازار میں دن کے دوران 25 ڈالر بڑھنے سے سونے کے دام 3022 ڈالر فی اونس مقرر کیے گئے ہیں۔

اس کے علاوہ جیولرز ایسوسی ایشن نے بتایا کہ پاکستان میں فی تولہ چاندی کی قدر بھی 25 روپے اضافے سے 3 ہزار 555 روپے ہوگئی۔