ملک میں سونا مزید مہنگا ہو کر نئی ریکارڈ بلندی پر پینچ گیا

پاکستان میں سونے کی قیمت مسلسل اضافے کے بعد ایک اور ریکارڈ بلندی پر جا پہنچا ہے۔

آل پاکستان جیمز اینڈ جیولرز ایسوسی ایشن کے مطابق 24 قیراط کا حامل ایک تولہ سونا 1650 روپے مہنگا ہوا ہے جس کے بعد فی تولہ سونا 3 لاکھ 19 ہزار روپے کی بلند ترین سطح پر پہنچ گیا۔

ایسوسی ایشن کے مطابق 24 قیراط کے حامل 10 گرام سونے کی قدر 1415 روپے اضافے سے 2 لاکھ 73 ہزار 491 روپے ہوگئی ہے۔

واضح رہے کہ گزشتہ روز ملک میں فی تولہ سونے کی قیمت 2 ہزار 550 روپے کے اضافے کے بعد اس وقت کی بلند ترین سطح پر جا پہنچا تھا۔

یہ بھی پڑھیں: بجلی صارفین کو فی یونٹ میں بڑی رعایت دینے کی تیاری

دوسری جانب بین الاقوامی مارکیٹ میں بھی دن کے دوران سونا 16 ڈالر مہنگا ہوا ہے جس کے بعد فی اونس سونے کا بھاؤ 3038 ڈالر مقرر کیا گیا ہے۔

اس کے علاوہ صرافہ ایسوسی ایشن نے بتایا کہ پاکستان میں فی تولہ چاندی کی قدر 3 ہزار 555 روپے پر برقرار ہے۔