گاڑی خریدنے کے خواہشمند افراد کیلئے بڑی خوشخبری

گاڑی خریدنے کے خواہشمند افراد کیلئے بڑی خوشخبری آگئی ہے۔

اسٹیٹ بینک آف پاکستان کے تازہ اعداد و شمار کے مطابق فروری میں گاڑیوں کی خریداری کے لیے بینکوں کی جانب سے جاری کیے گئے قرضوں کا حجم 249 ارب روپے تک پہنچ گیا، جو گزشتہ سال اسی ماہ کے مقابلے میں 2.4 فیصد زیادہ ہے۔ یہ اضافہ معیشت میں بہتری اور صارفین کی قوت خرید میں اضافے کی عکاسی کرتا ہے۔

گزشتہ سال فروری میں گاڑیوں کی خریداری کے لیے بینکوں کی جانب سے فراہم کردہ قرضوں کا حجم 243 ارب روپے ریکارڈ کیا گیا تھا۔ اس لحاظ سے فروری 2025 میں قرضوں کے حجم میں 6 ارب روپے کا اضافہ دیکھنے میں آیا ہے۔ یہ اضافہ نہ صرف گاڑیوں کی صنعت کے لیے مثبت اشارہ ہے، بلکہ یہ صارفین کی مالی استحکام کی طرف بڑھتی ہوئی رجحان کی بھی عکاسی کرتا ہے۔

جنوری میں گاڑیوں کی خریداری کے لیے بینکوں کی جانب سے فراہم کردہ قرضوں کا حجم 242 ارب روپے ریکارڈ کیا گیا تھا۔ فروری میں یہ حجم بڑھ کر 249 ارب روپے ہو گیا، جو ماہانہ بنیاد پر 7 ارب روپے کا اضافہ ظاہر کرتا ہے۔