یکم اگست سے پٹرول کی قیمت میں کتنی کمی ہوسکتی ہے؟

اسلام آباد: پاکستان میں یکم اگست سے پیٹرولیم مصنوعات کی قیمتوں میں کمی کا امکان ظاہر کیا جا رہا ہے۔

تیل کمپنیوں کی ورکنگ کے مطابق پیٹرول اور ڈیزل سستا جبکہ مٹی کا تیل مہنگا ہو سکتا ہے، ذرائع کے مطابق حکومت نے لیوی میں اضافہ نہ کیا تو عوام کو ریلیف ملے گا۔

مزید پڑھیں:پیٹرولیم مصنوعات کی قیمتوں سے متعلق پریشان کن خبر آگئی

ذرائع نے مزید بتایا کہ پیٹرول کی قیمتوں میں 9 روپے فی لیٹر تک کمی کی تجویز دی گئی ہے جبکہ ہائی اسپیڈ ڈیزل بھی 3 روپے 73 پیسے فی لیٹر سستا ہو سکتا ہے۔

مٹی کے تیل کی قیمتوں میں 3 روپے 55 پیسے فی لیٹر اضافے کی تجویز دی گئی جبکہ لائٹ ڈیزل 2 روپے 33 پیسے فی لیٹر مہنگا ہوسکتا ہے۔