عوام کیلئے اچھی خبر! پٹرول کی قیمت میں کمی کا فیصلہ، نوٹیفکیشن جاری

اسلام آباد: حکومت پاکستان نے پٹرول کی فی لیٹر قیمت میں 7 روپے 54 پیسے کمی کر دی جس کا نوٹیفکیشن بھی جاری کر دیا گیا۔

وفاقی وزارت خزانہ کی جانب سے پٹرولیم مصنوعات کی قیمتوں کا نوٹیفیکیشن جاری کر دیا گیا جس میں ہائی اسپیڈ ڈیزل کی قیمت میں 1 روپے 48 پیسے کا اضافہ کیا گیا۔

مزید پڑھیں:یکم اگست سے پٹرول کی قیمت میں کتنی کمی ہوسکتی ہے؟

نوٹیفکیشن کے مطابق ہائی اسپیڈ ڈیزل کی نئی قیمت 285 روپے 83 پیسے فی لیٹر مقرر کر دی گئی جبکہ پٹرول کی نئی فی لیٹر قیمت 264 روپے 61 پیسے مقرر کر دی گئی۔