پیٹرولیم مصنوعات کی قیمتوں میں کمی سے متعلق اہم خبر

اسلام آباد: یکم ستمبر سے پیٹرولیم مصنوعات کی قیمتوں میں کمی کا امکان ظاہر کیا گیا ہے۔

ذرائع کے مطابق ہائی اسپیڈ ڈیزل کی قیمتوں میں 3.31 روپے فی لیٹر کمی کی تجویز دی گئی ہے، پیٹرول 61 پیسے جبکہ مٹی کا تیل 1.57 روپے فی لیٹر سستا ہو سکتا ہے۔

 ذرائع نے مزید بتایا کہ لائٹ ڈیزل کی قیمتوں میں 2.61 روپے فی لیٹر تک کمی کی سفارش کی گئی ہے جبکہ آئل کمپنیز ایڈوائزری کونسل کی پیٹرولیم کی جانب سے مصنوعات کی قیمتوں کی ورکنگ تیار کرلی گئی۔

ذرائع نے بتایا کہ اوگرا اپنی ورکنگ سمری آج حکومت کو ارسال کریگا، وزیراعظم پیٹرولیم مصنوعات کی قیمتوں کی حتمی منظوری دینگے۔

خیال رہے کہ وفاقی وزارت خزانہ پیٹرولیم مصنوعات کی نئی قیمتوں اعلان آج رات یکم ستمبر کو کرے گی۔