پیٹرول اور ڈیزل کی فی لیٹر قیمت میں اضافہ، نوٹیفکیشن جاری

اسلام آباد: حکومت نے پیٹرول اور ڈیزل کی فی لیٹر قیمت میں 4 روپے سے زائد کا اضافہ کر دیا جس کا نوٹیفکیشن جاری کردیا گیا۔

وزارت خزانہ کے نوٹیفکیشن کے مطابق پیٹرول کی فی لیٹر قیمت میں 4 روپے 7 پیسے کا اضافہ کیا گیا جس کے بعد پیٹرول کی فی لیٹر نئی قیمت 268 روپے 68 پیسے مقرر کر دی گئی۔

نوٹیفکیشن کے مطابق ہائی اسپیڈ ڈیزل کی فی لیٹر قیمت میں 4 روپے 4 پیسے کا اضافہ کیا گیا جس کے بعد ہائی اسپیڈ ڈیزل کی نئی فی لیٹر قیمت 276 روپے 81 پیسے مقرر کر دی گئی۔