ڈیفالٹ رسک؛ پاکستان دنیا بھر میں دوسرا سب سے زیادہ بہتر ملک قرار

عالمی جریدہ نے پاکستان کا ڈیفالٹ رسک نمایاں کمی کے ساتھ دنیا بھر میں دوسرا سب سے زیادہ بہتر ملک قرار دے دیا۔

عالمی جریدہ بلوم برگ نے رپورٹ میں بتایا کہ پاکستان نے گزشتہ 15 ماہ میں ڈیفالٹ رسک میں ریکارڈ کمی کی، جون 2024 سے ستمبر 2025 تک ڈیفالٹ رسک 2,200 بیسس پوائنٹس کم ہوا۔

جریدے کے مطابق عالمی ابھرتی معیشتوں میں ڈیفالٹ رسک میں بہتری کے لحاظ سے پاکستان کا دوسرا نمبر ہے جبکہ ترکیہ پہلے، پاکستان دوسرے، جنوبی افریقہ اور ایل سلواڈور پیچھے رہ گئے۔

رپورٹ کے مطابق مصر، نائیجیریا اور ارجنٹینا کے ڈیفالٹ رسک میں اضافہ ریکارڈ کیا گیا ہے۔ ماہرین کے مطابق ڈیفالٹ رسک میں کمی سے سرمایہ کاروں کا اعتماد بحال ہوا۔

معاشی استحکام، اصلاحات اور بر وقت قرض ادائیگی نے اعتماد مضبوط کیا، عالمی ریٹنگ ایجنسیوں کے مثبت اقدامات سے ملک کی کریڈٹ ساکھ بہتر ہوئی۔