پنجاب میں اسموگ ایمرجنسی کی بازگشت؛ تعلیمی اداروں میں چھٹی سے متعلق اہم خبر آگئی
WebDesk
25 اکتوبر, 2025 11:01
Flood Situation: Will Schools Remain Closed in September? Major Update Released
پنجاب ایک بار پھر شدید اسموگ کی لپیٹ میں آ چکا ہے، جس کے باعث شہریوں میں تشویش کی لہر دوڑ گئی ہے۔
ماہرین نے خبردار کیا ہے کہ اگر فضائی آلودگی کی یہی صورتحال برقرار رہی تو حکومت کو اسکولوں کی بندش یا قبل از وقت سرمائی تعطیلات کا فیصلہ کرنا پڑ سکتا ہے۔
محکمہ موسمیات کے مطابق صوبے بھر میں اسموگ کی شدت خطرناک حد تک بڑھ چکی ہے، خاص طور پر لاہور کی فضا انتہائی آلودہ ہو گئی ہے۔ ایئر کوالٹی انڈیکس (AQI) کے مطابق لاہور دنیا کے سب سے زیادہ آلودہ شہروں میں سرفہرست ہے۔
ماہرین کا کہنا ہے کہ خشک موسم اور بارشوں کی کمی آلودگی میں اضافے کی بڑی وجوہات ہیں۔ مسلسل دھوئیں، گاڑیوں کے دھوئیں اور فصلوں کی باقیات جلانے سے فضا میں زہریلے ذرات کی مقدار خطرناک حد تک بڑھ گئی ہے۔
شہریوں کو سانس، آنکھوں کی جلن اور گلے کی خرابی جیسے مسائل کا سامنا ہے، جبکہ اسکول جانے والے بچے سب سے زیادہ متاثر ہو رہے ہیں۔
ذرائع کے مطابق محکمہ تعلیم نے اسموگ کی شدت کے باعث مختلف تجاویز پر غور شروع کر دیا ہے، جن میں آن لائن کلاسز کا اجرا، اسکول ٹائمنگ میں تبدیلی یا قبل از وقت تعطیلات شامل ہیں۔ تاہم تاحال کوئی حتمی فیصلہ نہیں کیا گیا۔
حکومت کی جانب سے شہریوں کو ماسک کے استعمال، غیر ضروری سفر سے گریز، اور گھروں میں رہنے کی ہدایت کی گئی ہے تاکہ صحت کے خطرات کو کم کیا جا سکے۔
Catch all the تعلیم News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
