بلوچستان کے تعلیمی اداروں کی چھٹیوں میں توسیع

حکومت بلوچستان نے صوبے بھر کے تعلیمی اداروں کی چھٹیوں میں مزید توسیع کر دی ہے۔

 سرکاری اعلامیے کے مطابق اسکول، کالج اور دیگر تعلیمی ادارے اب 31 مارچ تک بند رہیں گے۔ اس فیصلے کا مقصد موجودہ صورتحال کے پیش نظر طلبہ اور اساتذہ کی حفاظت کو یقینی بنانا ہے۔

معاون وزیر اعلیٰ بلوچستان شاہد رند نے اس حوالے سے بتایا کہ چھٹیوں میں توسیع ایک بڑے قومی تناظر میں کی گئی ہے۔ حکومت حالات پر مسلسل نظر رکھے ہوئے ہے۔ صورتحال کا روزانہ جائزہ لیا جا رہا ہے تاکہ آئندہ کے لائحہ عمل کا بروقت فیصلہ کیا جا سکے۔

والدین اس دوران بچوں کی تعلیم پر خصوصی توجہ دیں۔ بچوں کو گھروں میں پڑھائی جاری رکھنے کی ترغیب دی جائے۔

یاد رہے کہ اس سے قبل پنجاب حکومت بھی تعلیمی اداروں میں 31 مارچ تک چھٹیوں کا اعلان کر چکی ہے۔