یوٹیوبر شیراز کی وی لاگنگ چھوڑنے کی وجہ سامنے آگئی

19 مئی, 2024 16:17

گلگت بلتستان سے تعلق رکھنے والے کم عمر یوٹیوبرشیراز نے وی لاگنگ کیوں چھوڑی؟ شیراز کے والد نے ویڈیو پیغام میں اصل وجہ بتادی۔

سوشل میڈیا پر شیراز کے والد کی ویڈیو وائرل ہو رہی ہے جس میں انہوں نے بتایا کہ شیراز کو وی لاگنگ کی وجہ سے کافی مقبولیت ملی لیکن اس کی وی لاگنگ کو ختم کرنے کی دو تین وجوہات ہیں۔

انہوں نے اپنی بات کو جاری رکھتے ہوئے کہا کہ اس وجہ سے میں نے کچھ ٹائم کیلئے شیراز کو وی لاگنگ سے روک دیا ہے اور میں کوشش کر رہا ہوں کہ پہلے کی طرح شیراز کے معصوم اور سیدھے سادھے انداز کو واپس لاؤں۔

انہوں نے بتایا کہ شیراز سیدھا سادھا تھا، گاؤں میں رہ کر وی لاکنگ کرتا تھا، سب سے اچھے سے ملتا اور محبت کرتا تھا لیکن شہرت کی وجہ سے شیراز کے رویے میں تبدیلی آنا شروع ہوگئی تھی، شہرت کی وجہ سے اصل شیراز کہیں کھو سا گیا تھا اور لوگوں سے بھی اچھے طریقے سے نہیں مل رہا تھا۔

شیراز کے والد نے کہا کہ دوسری وجہ تعلیم بھی ہے کیونکہ وی لاگنگ کی وجہ سے اس کی توجہ پڑھائی پر بھی نہیں تھی۔

واضح رہے کہ شیراز کے یوٹیوب چینل پر لاکھوں سبسکرائبر ہیں اور بڑی تعداد میں لوگ شیراز کے وی لاگز کو دیکھتے ہیں جبکہ شیراز کی ویویر شپ پر یوٹیوب کی جانب سے پہلے اسے سلور اور پھر گولڈن بٹن سے بھی نوازا گیا۔

شیراز کون ہے؟

شیراز نے رواں برس جنوری میں ہی یوٹیوب، انسٹاگرام اور فیس بک پر ولاگز بنانا شروع کیے تھے۔

شیراز نے یوٹیوب پر 17 جنوری 2024 کو اپنا پہلا ولاگ اپ لوڈ کیا تھا، جسے اب تک تقریبا 10 لاکھ بار کے قریب دیکھا جا چکا ہے۔

شیراز نے اپنے چند ہی ولاگز میں نہ صرف پاکستان اور بھارت بلکہ دیگر ممالک میں اردو سمجھنے والے افراد کی بھی توجہ حاصل کرلی تھی اور یوٹیوب پر ان کے سبسکرائبرز کی تعداد 15 لاکھ سے زائد ہوچکی تھی۔

شیراز نے یوٹیوب پر مجموعی طور پر 84 ویڈیوز اپ لوڈ کیں، جس میں سے متعدد ویڈیوز کو لاکھوں بار دیکھا گیا اور فیس بک پر بھی ان کے 16 لاکھ جب کہ انسٹاگرام پر 21 لاکھ فالوورز ہیں۔

شیراز نے درجنوں ولاگز اپنی چھوٹی بہن مسکان کے ساتھ بھی شیئر کیے اور دونوں بچوں کو ان کے سادہ انداز، گلگتی انداز میں بولی جانے والی اردو کی وجہ سے کافی پسند کیا گیا۔

Catch all the انٹرٹینمنٹ News, بریکنگ نیوز News, Breaking News Event and Trending News Updates on GTV News

Join Our Whatsapp Channel GTV Whatsapp Official Channel to get the Daily News Update & Follow us on Google News.