حرا مانی کی بغیر میک اپ ویڈیو، سوشل میڈیا پر شدید تنقید

پاکستان شوبز انڈسٹری کی مشہور اداکارہ حرا مانی کو بنا میک اپ کی ویڈیو شیئر کرنا مہنگا پڑگیا۔

اداکارہ نے اپنے فیس بک اکاؤنٹ پر فیملی کی ایک نئی ویڈیو شیئر کی، جس میں وہ بغیر میک اپ کے نظر آئیں۔ ویڈیو میں حرا مانی اپنے بیٹے کو سکول کا کام مکمل نہ کرنے پر ڈانٹتے ہوئے دکھائی دیتی ہیں اور ساتھ ہی فیملی کے ساتھ گزرے لمحوں کی ویڈیو بناتی ہیں۔

مزید پڑھیں: سلمان خان ایک اور بڑی مشکل میں پھنس گئے

ویڈیو پر سوشل میڈیا صارفین نے ان کی شکل اور میک اپ کے بغیر نظر آنے پر تنقید شروع کر دی۔ ایک صارف نے لکھا کہ "حرا مانی کی شکل بغیر میک اپ کے ایسا لگ رہا ہے جیسے کسی نے مارا پیٹا ہو”،

دوسرے صارف نے تنقید کرتے ہوئے کہا "حرا مانی سے زیادہ تو مانی اچھی لگ رہی ہیں”۔ ان تبصروں نے ایک نیا تنازع پیدا کر دیا اور اداکارہ کو سوشل میڈیا پر شدید ردعمل کا سامنا کرنا پڑا۔