معروف کامیڈین اداکار جاوید کوڈو انتقال کر گئے

لاہور: پاکستانی معروف اداکار جاوید کوڈو طویل عرصے سے علالت کے بعد انتقال کرگئے۔

میڈیا رپورٹ کے مطابق جاوید کوڈو کے اہلخانہ کی جانب سے انکے انتقال کی تصدیق کردی گئی جبکہ جاوید کوڈو کے اہلخانہ کا ان کی نماز جنازہ کے حوالے سے کہنا ہے کہ نمازہ جنازہ کا اعلان بعد میں کیا جائے گا۔

اداکار جاوید کوڈو کئی سالوں سے علیل تھے، اسٹیج کامیڈی کا بڑا نام جاوید کوڈو کچھ سالوں قبل ٹریفک حادثے میں شدید زخمی بھی ہوگئے تھے، ان کی کولہے کی ہڈی ٹوٹ گئی تھی جس کو جوڑنے کیلئے انکا آپریشن بھی کیا گیا تھا۔

مزید پڑھیں:بھارتی اداکارہ نے سر منڈوالیا

مزید پڑھیں:کنزہ ہاشمی کی بھارتی کامیڈین کیساتھ ویڈیو وائرل، تعلقات کی خبریں

یاد رہے کہ 2016 میں کامیڈین و اداکار جاوید کوڈو کی طبعیت اچانک خراب ہونے پر انھیں فوری طور پر گنگا رام اسپتال لاہور منتقل کیا گیا تھا، ڈاکٹرز نے بتایا تھا کہ انکی دماغ کی شریان کو معمولی نقصان پہنچا تھا تاہم پھر وہ ریکیور کرگئے تھے۔

خیال رہے کہ جاوید کوڈو نے اپنے کیریئر کا آغاز 1981 میں ڈرامہ سودے باز سے کیا، انھوں نے 150 پنجابی اور اردو فلم میں بھی اپنی اداکاری کے جوہر دکھائے، ان کا ڈرامہ ’آشیانہ‘ آج بھی لوگوں کو یاد ہے۔