یوٹیوبر رجب بٹ کے گھر پر فائرنگ کرنے والے افراد گرفتار

معروف یوٹیوبر رجب بٹ کے گھر پر فائرنگ کرنے والے افراد کو پولیس نے گرفتار کرلیا۔

پولیس کے مطابق فائرنگ کرنے والے موٹرسائیکل سوار شوٹرز کی شناخت کاشف چوہان اور فرخ کے نام سے ہوئی ہے، جنہوں نے ابتدائی تفتیش میں انکشاف کیا کہ انہوں نے شانی ٹائیگر نامی شخص پر کیا۔

مزید تحقیقات میں یہ بات سامنے آئی کہ واردات کے دوران شوٹرز کے ساتھ ایک کار میں دو دیگر افراد، عثمان اور لقمان بھی موجود تھے جو منصوبہ بندی کا حصہ تھے۔

پولیس نے بتایا کہ واقعے کی اصل وجہ رجب بٹ اور شہزاد بھٹی نامی نوجوان کے درمیان سوشل میڈیا پر ہونے والی تلخ کلامی بنی۔

پولیس کا کہنا ہے کہ شہزاد بھٹی نے شانی ٹائیگر سے رابطہ کر کے فائرنگ کروانے کا کہا جس پر اس نے شوٹرز کو یوٹیوبر کے گھر بھیجا۔

پولیس نے ملزمان کو ویلنشیا سمیت مختلف علاقوں سے گرفتار کیا، ملزمان کو مزید تفتیش کے لیے سی سی ڈی کے حوالے کردیا گیا ہے۔