وزیراعظم نے طلحہ احمد کو کیا قیمتی انعام دیا؟ کونٹینٹ کریئیٹر نے بتادیا

گزشتہ دنوں پاکستان کے معروف کونٹینٹ کریئیٹر طلحہ احمد نے وزیر اعظم شہباز شریف سے ملاقات کی، جس میں وزیراعظم نے ان کے کام کی بھرپور تعریف کی۔

کونٹینٹ کریئیٹر طلحہ احمد نے نجی ٹی وی چینل کے پروگرام میں شرکت کی اور گفتگو کرتے ہوئے بتایا کہ وزیراعظم ہاؤس میں ملاقات کے دوران شہباز شریف نے انہیں اعزازی شیلڈ، ایک لیپ ٹاپ اور دس لاکھ روپے کا انعام دیا۔

 وزیر اعظم نے طلحہ کو نوجوانوں کا مستقبل قرار دیتے ہوئے اعلیٰ تعلیم کے لیے کیمبرج جانے کی صورت میں حکومت کی مکمل سپورٹ کا یقین دلایا اور صحت کے حوالے سے بھی مدد کا وعدہ کیا۔

Content creator Talha Ahmad met Prime Minister Muhammad Shehbaz Sharif. pic.twitter.com/QmW7CJ3KKW

— Government of Pakistan (@GovtofPakistan) July 19, 2025

 اس ملاقات کے موقع پر طلحہ احمد نے ایک وی لاگ بھی بنایا، جس میں انہوں نے اس لمحے کو اپنی زندگی کا خاص دن قرار دیا۔ انہوں نے بتایا کہ وزیر اعظم نے انہیں شفقت بھرے انداز میں گلے لگایا اور وزیراعظم ہاؤس میں خوش آمدید کہا۔ طلحہ احمد کا کہنا تھا کہ وزیراعظم کو ان کی ویڈیوز پسند آئیں، خاص طور پر سرکاری افسر اور بالی ووڈ میں مسلمانوں کے کردار پر مبنی مواد، جسے انہوں نے ملاقات میں براہِ راست پرفارم کر کے سب کو محظوظ بھی کیا۔